CARLOS VIÉITEZ FERNÁNDEZ, ALCALDE- PRESIDENTE DO CONCELLO DE MEAÑO (PONTEVEDRA)
FAGO SABER
Que a partir do 17 de marzo ó 17 de abril do 2026, ambos inclusive, ábrese o prazo para solicitar a inscrición para os servizos do “Comedor Escolar” no CEIP Coirón Dena e da aula de acollida “Plan Madruga” nos CEIPs Coirón-Dena e As Covas Meaño para o curso 2026-2027.
Para que se estableza o servizo de Aula de Acollida Plan Madruga ten que haber un mínimo de 8 persoas usuarias de uso continuado en cada centro educativo, entendendo por tal, a asistencia mensual da metade de días lectivos máis un.
As solicitudes formalizaranse nos modelos normalizados dispoñibles na oficina do Departamento de Cultura e Xuventude do Concello de Meaño ou na páxina web do Concello de Meaño www.concellodemeano.com.
A presentación realizarase no Rexistro Xeral do Concello de Meaño de luns a venres en horario de oficina ou nos lugares establecidos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.
Documento datado e asinado dixitalmente
- Bases Comedor Escolar.
- Bases Aula de Acollida.
- Modelo de inscrición Comedor escolar.
- Modelo de inscrición Aula de acollida.